باقي موضوع اخر البنات المحترمين_5

<FONT color=#dda0dd size=7>&nbsp;</FONT>
<DIV align=center>(الحلقه السادسه عشر)</DIV><BR>
<DIV align=center>اتصلت منى بسارة وطلبت الذهاب لبيتها, وبالفعل توجهت اليها , وارتها الرسالة واخبرتها بكل مكالمة اتصل فيها , وكل شيء فعله معها منذ عرفته.<BR>صمتت سارة تستمع بصبر حتى انتهت منى.<BR>سارة: مممم, افهم من كدة ,انو بيرسم عليكي ؟<BR>منى: مش كدة؟ , صح؟,والله انا بقول كده.<BR>سارة :بس من الي فهمته منك ,انا مش قلقانه من احمد, انا قلقانة عليكي انتي.<BR>نظرت منى لسارة واغرورقت عيناها بالدموع ,وحاولت الكلام ,ولم تستطع.<BR>سارة: انا زعلانه منك , انك مقلتليش الكلام دا من بدري, مش عارفة كنتى مستنية ترتبطو ,عشان تقوليلي, بس انا فرحانة انك لما اخترتي تكلمي حد اخترتيني.<BR>منى: ملقتش حد ينصحنى الا انتي.<BR>سارة : وانا هنصحك , اسمعي يا ستي , انتي بتحبيه؟<BR>منى: لا طبعا , انتي بتقولي ايه , انا بس مشدودة له اوي.<BR>سارة : جميل جدا, مادام مفيش حب تبقي ملحوقة, انتي تعملى مستعبطة زي مانتي, وتحاولى تخفى من احمد دا شوية, تقللي كلام , ومتديلوش اهتمام اكتر من اللازم , تمام.<BR>منى:..<BR>سارة: قولي تمام.<BR>تمتمت منى.<BR>منى: تمام.<BR>سارة: وانا بقي مش عايزاكي تفكري في الواد دا لحظة, نلحق كدة قبل ما تقعى فيه, تعالي على نفسك , لو فكرتي فيه,قولي اعوذ بالله من الشيطان الرجيم, اشغلى نفسك جدا جدا جدا, لدرجة انك متسبيش فرصة انك تفكري فيه ثانية, ولو جه على بالك قولى انا حمارة انا حمارة لغاية ما تزهقي ,تمام؟.<BR>م* ما الي ايده في المية مش زي الي ايده في النار, انا برضه الي حمارة؟<BR>سارة : ماتردي.<BR>منى: تمام تمام , ماشي.<BR>سارة : مالك مبلمة ليه؟<BR>منى: هو مفيش حل تاني غير اني اتجنبه؟.<BR>سارة: اه , انك تحبيه, تختاري ايه؟<BR>منى: ومالك كده بتقولي تجبيه كأنك مش طايقاه.<BR>سارة :لان تحبيه يعني توافقي تكلميه , وتكلميه يعني توافقي تقابليه , وتقابليه يعني مش هنخلص , وخدي عندك بقي خناقات وتستخبي من اهلك ومتوافقيش على عرسان و...<BR>منى: ايه ايه , بالراحة عليا ,مالك انا بقولك انا مشدودة له اتفتحتى زي البلدوزر.<BR>سارة: انا بفهمك يا حبيبتي , عشان انتي خام والمصيبة انه باين عليكي انك خام , فالناس بتستعبطتك.<BR>منى: وحضرتك بقي الي مش خام , مش شايفاكي يعني ماشية كل يوم مع ولد.<BR>سارة: مش معنى انك مجربتيش حاجة في دنيتك , تبقي عايشة كده مش فاهمة حاجة .<BR>منى: الله يكرمك.<BR>منى: بس انتي كدة اتعقدتي.<BR>سارة: بيتهيألك , انا كده احسن من ناس كتير , يعني انا لو كنت حبيت , كنت بقيت فرحانه كدة دلوقتى, انا كان زماني انا الي بشكيلك , وبعدين مفيش حاجة اسمها حب,الحاجات الي بتحصل دلوقتى دي مش حب.<BR>منى: يا سلام يا ختى؟<BR>م*انا جيت لمجنونة تنصحنى<BR>منى: بس مسيرك تحبي.<BR>سارة: مش شرط.<BR>منى: امال هتتجوزي ازاي يا فالحة؟.<BR>سارة:وهو جواز الصالونات اتعمل لايه يا فالحة انتي؟.<BR>منى: من غير حب.<BR>سارة: الحب دا لواحدة مراهقة زييك , انا ايه الي يخليني احب واحد وفي الاخر متجوزوش؟,وبعدين الحب بييجي بعد الجواز,انا ايه الي يخليني اجيب واحد لاهو ابويا ولا اخويا يقولي انتي رايحة وجاية منين,لا والبسي دا ومتلبسيش دا, ومتتأخريش عن الساعة كذا.<BR>منى: لاا , دانتي متعقدة بجد.<BR>سارة : سيبك منى انا , خلينا في خيبتك.<BR>منى: خيبتي انا برضة دانا جيتلك يا عبد المعين تعيني لقيتك ..<BR>سارة: والله انا نصحتك , انا مشفتش حد حب وطال والي كنت بقول عليها عاقلة جاية تقع لي في مصيبة , مش تنقي؟<BR>منى: على فكرة احمد ظريف جدا وخدوم , وولد محترم اوي بس انتي تعرفيه.<BR>سارة: كفاية انتي تعرفيه,وبعدين اول ما تشوفي ولد تسألي نفسك سؤالين .<BR>منى: ايه؟<BR>سارة: بيدخن؟؟.<BR>م*اوباااا<BR>منى:<BR>سارة :بيصلي؟؟.<BR>منى: ...<BR>م*تصدقي معرفش<BR>سارة:بعد كدة تشوفي ظريف ولا لذيذ ولا دمه تقيل.<BR>منى: طيب ياستي انا هسمع كلامك وامري لله , خلينا ورا سارة لحد ما تودينا في داهية.<BR>سارة : الداهية الي انتي رايحالها اسمها ايمو. </DIV><!-- / message --><BR><FONT color=#dda0dd size=7>&nbsp;</FONT>
<DIV align=center>(الحلقه السابعه عشر)</DIV>
<DIV align=center>على الرغم من عدم اقتناع منى بماقالته سارة , وخاصة رأيها عن الحب , الا انها اتبعت تعليماتها عسى تفلح في انهاء حيرتها, فحاولت اقصاء احمد من تفكيرها , ولكن الامر هذه المرة لم يكن بالهين, فقد استعانت عليه بالانغماس الشديد في اعمال البيت, والخروج وتعويض الوقت الضائع بقضائه وسط اخوتها استغلالا للفترة التى يقضيها معتز بالمنزل, بعد ان كانت تفضل قضاء الوقت وحدها تفكر باحمد, ولكنها لم تنج من اليالي, اليالي التى مرت عليها سنين وسنين, ولم تستطع منع نفسها من التفكير فيه ولو كمكافأة لها على ثباتها طوال اليوم, وكان كل ماتفعله بالنهار يضيع باليل.<BR>اما احمد فقد تعجب من عزوف منى عن تنفيذ خطته, لقد انتظر , ومر العيد , ولم تتصل مرة اخرى, وبعد ان كان واثقا من نجاح خطته , بدأت ثقته بنفسه تتزعزع.<BR>أ*اصلك كنت بتقولي مؤدبة<BR>الله اعلم ظروفها كانت ايه<BR>يعني هتكون ايه يعني؟,ماهي واقفة قدامك اهي ,سليمة زي اخر مرة شفتها فيها<BR>يمكن هي فعلا ملهاش في الكلام دا<BR>اللهم طولك ياروح , يابني البت دي بتلاعبك , دي ناصحة جدا , وعارفة هي بتعمل ايه<BR>تفتكر تكون قاصدة؟<BR>ايوة طبعا عشان انت تندب وتجري عليها, اسمع كلامي اتقل عليها<BR>لا انا عايز اروحلها<BR>شوف اقوله ايه يقولي ايه, انت غبي ؟, ماهو ده الي هي عايزاه<BR>طيب اعمل ايه دلوقتى<BR>انت تدخل على شلتها عادي خالص ,وبكل تناكة تسلم وتمشي من سكات<BR>ماشي كلامك المرة<BR>وانا من امتى مبيمشيش كلامي ؟, يلا اتفضل قدامي<BR>*************<BR>م* مالك اتلخبطي ليه ؟ ماتسبتي<BR>احمد جاي , احمد جاي<BR>وايه يعني؟ ,ماتقفي على بعضك هو هياكلك يعني<BR>دا مبيبصليش خالص , اعمل ايه , اسلم عليه انا؟<BR>تسلمي عليه ايه ؟, انتي على طول مدب كده, اتقلي , هو مش تقلان عليكي بقاله كام يوم<BR>بس انا الي كنت عايزة كدة , انا الي كنت عايزاه ميكلمنيش, انا اصلا مبفكرش فيه<BR>طب اسكتى يالي مبتفكريش فيه وورينا شطارتك اهو جاي اهه<BR>**************<BR>دخل احمد بكل ثقة على الشلة وسلم عليهم واحد واحد بأسمائهم بما فيهم منى , ومزح معهم بشكل طبيعي , وفي وسط الجماعة , ثم استأذن منصرفا<BR>**************<BR>م* ايه دا بقا, هو حلقلي ليه؟<BR>مش دا الي انتي عايزاه؟<BR>لا مش دا الي انا عايزاه , كويس كده؟؟, ايوه انا كنت عايزاه يجي يسلم عليا<BR>ايوه كده خليكي صريحة مع نفسك<BR>انا صريحة مع زفت نفسي, هو ماله بقا سابني ومشي من غير مايسلم عليا<BR>عشانك ياحلوة مش في دماغه اصلا , دا واحد لافف وداير هيبصلك انتي على ايه, لابتعرفي تتكلمي , ولا ليكي في الصبيان , ولا حتى بتتصلي تسألي عليه , ولما بيكلمك بتندميه انه اتصل<BR>ايه الكلام دا , لا طبعا , احمد كان بيكلمني كل يوم وهو مبسوط<BR>دا بيتهيألك, احمد زهق منك خلاص , انتي بصراحة زهقتيني انا نفسي<BR>بجد, يعني مش هيكلمني تاني<BR>كلميه انتي<BR>هااااهاااهااا, اهو كلو الا ده<BR>انتي حرة<BR>ايوه انا مينفعش اكلمه , صح؟<BR>انتي حرة<BR>لا , يعني اكلمه اقله ايه يعني<BR>انتييي حررررةةة<BR>لا , طبعا عمري ما هكلمو<BR>*****************<BR>منى: انا لقيتك مبتسألش قلت اسأل انا.<BR>م*بقي انا مبعرفش اتكلم يا ايمو<BR>احمد:انا اقدر ماسألش عليكي برضه؟.<BR>أ* خدت الدوري يا ايمو عقبال الكاس في المكالمة الجاية<BR>منى: اخبارك ايه؟<BR>احمد: تمام الحمد لله, وانتي؟<BR>أ*والله ووقعتى ومحدش سمى عليكي ياموني<BR>واثناء الحديث استفسرمنها احمد بهدوء عما اذا كانت شيرين تعلم بمكالمتهما<BR>احمد: انتي بتكلمي شيرين؟.<BR>منى: لا , ولا انت؟<BR>احمد: لا , وانا الي كنت فاكر انك بتسلميلي عليها.<BR>منى: لا, دانا مبشوفهاش اصلا.<BR>أ*الحمد لله<BR>منى: لما اشوفها هسلملك عليها.<BR>احمد:ل, اوعي.<BR>منى: نعم؟.<BR>احمد:مانا هسيبها خالص لغاية ماتفتكر ان ليها صاحب اسمه ايمو.<BR>أ*انتي عايزة تسلمينا ليها, ويبقي مشافوهومش وهما بيسرقو قامو راحو يعترفو<BR>*****************<BR>أ* دانت داهية, يخرب عقلك , جبت المخ دا منين<BR>منك انت, بس انت الي مش واخد بالك من قدراتك<BR>سمعتها , دي اتصلت , عارف يعني ايه ؟, لو كنت سلمت عليها في الجامعة مكنتش عبرتني<BR>عشان تبقي تسمع كلامي بعد كدة ومتقاوحنيش<BR>هو انا هرفضلك كلمة بعد كدة دانت المعلم </DIV><!-- / message --><BR><FONT color=#dda0dd size=7>&nbsp;</FONT>
<DIV align=center>(الحلقه الثامنه عشر)</DIV><BR>
<DIV align=center>منى: بس انت ذاكر وانت تنجح, متضيعش وقتك.<BR>احمد: اذاكر مين يا بنتي , هى الكليات بالمذاكرة, انتي شكلك بتاكلي الكتب, ربنا يحفظنا.<BR>منى: ههههه, لا والله ماباكلش حاجة , بس انا شايفة انك المفروض تنجح السنة دي , دا حتى يبقي عيب لو طولت عن كدة , انا هتخرج قبلك.<BR>أ* متفوليش الله يخليكي<BR>احمد: وهو انا اطول تتخرجي قبلي.<BR>منى: مانت متعود الدفعات داخلة خارجة عليك, وانت شفت منهم كتير, فاكر لما شتمت واحد وطلع معيد.<BR>احمد: اااهه, والله الواد دا كان رخم في الكلية ومكنتش عارف انه اتعين خلاص, والواطي السنة الي فاتت خلا الدكتور يشيلني المادة, بس انتي ايه الي عرفك بالموضوع دا.<BR>منى: شيري, وبعدين انت مفضوح اصلا.<BR>احمد: الله يسامحك يا شيرين , وقالتلك ايه عنى كمان.<BR>م*انك رمرام<BR>منى: مفيش , شوية حواديت كدة.<BR>أ*قالتلك على موضوعي معاها؟<BR>احمد: زي ايه؟.<BR>منى: يعني انك فاشل وبتاع بنات ,هههههههههههههه.<BR>م* انا مش بهذر قالتلي فاشل وبتاع بنات<BR>احمد: دا اقل حاجة عندي, لا بجد قالتلك ايه؟.<BR>منى: قالت انك خدوم وكده وجدع , بس ...يعني... مبتنقيش البنات الي تعرفهم.<BR>م*لما نشوف هترد تقول ايه<BR>احمد: انا؟, طيب دانا بعرف احلى بنات في الجامعة, انا مفيش بنت عرفتها كانت وحشة.<BR>أ*انا مبنقيش<BR>منى: هي يمكن ماكانتش بتتكلم على الشكل.<BR>م* ياتافه وسطحي<BR>احمد: اااه, دا عشان ... انا فاهم ..<BR>منى: فاهم ايه؟.<BR>احمد: لا دا موضوع كدا.<BR>منى: لا بجد قول.<BR>احمد: بس توعديني متقوليش لشيري, احلفي.<BR>منى: والله ماهقولها ,قول بقي.<BR>احمد: اصل كان فيه بينا موضوع كده, اول مادخلت شيري الكلية, بس يعني هو عدا بالنسبة لي , ممكن تكون هي لسه.<BR>منى:..<BR>احمد: انا هفهمك , في اول الكلية شيرين كانت معجبة بيا وبعتتلي واحدة صاحبتها تقولي ,معرفش بقي كانت بتحاول تسبت لنفسها ايه,بس انا قلت عيب احنا اصحاب ومينفعش اعط مع واحدة صاحبتي , مع انها كانت جديدة ع الشلة.<BR>أ*زي حضرتك كدة بالظبط<BR>احمد: فقلتلها , معلش يا شيري احنا اصحاب , ومينفعش افكر فيكي غير كدة ,ومن يوميها هي ممشيها اصحاب بس ما افتكرش انها ناسياهالي, فعشان كدة تلاقيها بتظبطنى في الكلام.<BR>لقد سمعت منى هذه القصة بالطبع من فم شيرين ولكن بتفاصيل اخرى , وهي التفاصيل الحقيقية, ولكن احمد, اراد اولا ان يحفظ ماء وجهه, ثانيا ان يدمر نظرة منى لشيرين ,وبالتالي ثقتها فيما ستخبرها به من اخبار ان علمت ما بينهما او حتى نيته, فقد كان لها معه عهد طويل , وعلى الرغم من انها من اقرب البنات الى قلبه في الكلية الا ان ماذا عساه سيفعل, الغاية تبرر الوسيلة, اليس كذلك؟.<BR>منى: بس شيري كانت مرتبطة بقالها سنتين .<BR>م* ايه دا بقي؟؟<BR>احمد: اه , الواد اسامة, منا عارف, ماهو دا بعد الموضوع دا ما حصل.<BR>منى: بس هي سابته خلاص من زمان, وهتتخطب لواحد اسمه محمود.<BR>احمد: اه بس هو الي سابها مش هي الي سابته.<BR>منى: بس شيرين , صاحبتك مش كدة.<BR>احمد: اه , طبعا , احنا كلنا هنا اصحاب في بعض, بس دا سر يا موني , اوعي بجد تقولي لحد.<BR>منى: متخافش انا مش هقول.<BR>*******************<BR>سارة : دا عيل واطي وزبالة.<BR>منى: ايه ياسارة متشتميهوش.<BR>سارة: يعني هو حد يتكلم عن صاحبته كدة؟<BR>منى: هو مقالش حاجة هو حكى الموضوع , وهي حكت الموضوع ,انا مش عارفة اصدق مين فيهم.<BR>سارة: شيري طبعا , وهي مصلحتها ايه انها تكذب عليكي؟.<BR>منى: وهو مصلحته ايه؟, انا بس مستغربة لان لو هي شايله منه , وهو شايل منها , ليه هما اصحاب لغاية دلوقتى؟.<BR>سارة: اديكي انتي بتتكلمي وتردي على نفسك, لو الموضوع كان توقيعة زي ما قالت شيري فالوضع ممكن يتصدق , اما لو كانت هي الي باعتة صاحبتها زي ما ايمو قال يبقي الوضع مش واقعي اصلا.<BR>منى: يووووه, انا مش عارفة بقي.<BR>سارة: انتي الي عايزة تصدقى احمد بتاعك دا, انتي حرة خليه يخسرك اصحابك , مش بعيد بكرة ييجي يقولك سارة بتبعتلي جوابات.<BR>منى: متبقيش غلسة انتي كمان. </DIV><!-- / message --><BR><BR>