[size=21]الوصيه الثالثه
[b]إياك أن تتخذ القرآن مزامير إياك !!
اه تغنى بالقرآن ولكن الموضوع ميخرجش عن حده
النهارده بيقولو مقام كذا ومقام كذا الموضوع باه اغنيه
!!!!!!!!!!!!!!!
قال الرسول صلى الله عليه وسلم :
" أخاف عليكم ستا : إمارة السفهاء ، و سفك الدم ، و بيع الحكم ، و قطيعة الرحم ، و نشوا يتخذون القرآن مزامير ، و كثرة الشرط
الراوي: عوف بن مالك الأشجعي المحدث: الألباني - المصدر:صحيح الجامع - لصفحة أو الرقم: 216
خلاصة حكم المحدث: صحيح
[/size][/b]
[size=21]يتخذون القرآن مزامير يبقى لا يقراه ليزداد به خشيه وخشوعا ولكن ....
قال الرسول صلى الله عليه وسلم:
" ما أذن الله لشيء ما أذن لنبي حسن الصوت بالقرآن يجهر به
الراوي: أبو هريرة المحدث: البخاري - المصدر: صحيح البخاري لصفحة أو الرقم: 7544
خلاصة حكم المحدث: [صحيح] -
وقال:
حسنوا القرآن بأصواتكم ؛ فإن الصوت الحسن يزيد القرآن حسنا
الراوي: البراء بن عازب المحدث: الألباني - المصدر: صحيح الجامع - لصفحة أو الرقم: 3145
خلاصة حكم المحدث: صحيح
الفقهاء بيقولو أه يسمح انه يقرا بنغم كده بشرط أنه يكون نغم حزين تخشع له القلوب
الموضوع مش حلاوة صوت عشان ميكونش يسمه حاجه يطرب لها
القرآن ما أنزل ليطرب به
يبقى ليه الاثر ده ؟؟؟؟؟
يحسن الصوت عشان يكون فيه تاثير على القلب
الوصيه الرابعه
عليك بدوام مذاكرته
قال الرسول صلى الله عليه وسلم :
"[/size]
[size=21]استذكروا القرآن ؛ فلهو أشد تفصيا من صدور الرجال من النعم من عقلها
الراوي: عبدالله بن مسعود المحدث: الألباني - المصدر: صحيح الموارد - لصفحة أو الرقم: 1493
خلاصة حكم المحدث: صحيح
[/size]
[size=21]بيخرج بسرعه وكل الناس بتقول كده
حفظت بسرعه ونسيت بسرعه
الوصيه الخامسه
أقرأه على طهر
ليجتمع لك طهارة الظاهر وطهارة الباطن
واتخذ سواكا للطهاره
قال الرسول صلى الله عليه وسلم:
[/size]
[size=21]طيبوا أفواهكم بالسواك ، فإنها طرق القرآن
الراوي: سمرة بن جندب و علي بن أبي طالب المحدث: الألباني المصدر: صحيح الجامع - لصفحة أو الرقم: 3939
خلاصة حكم المحدث: صحيح -
[/size]
[size=21]
طيب نقراه في اد ايه
"[/size]
[size=21]عن
عبد الله بن عمرو أنه سأل النبي صلى الله عليه وسلم : فيكم أقرأ القرآن ؟
فذكر الحديث قال يحيى : قال : في سبع لا يفقه من قرأه في أقل من ثلاث وقال
: كيف أصوم ؟ قال : صم من كل شهر ثلاثة أيام من كل عشرة أيام يوما ويكتب
لك أجر تسعة أيام قال : إني أقوى من ذلك قال : صم من كل عشرة يومين ويكتب
له أجر ثمانية أيام حتى بلغ خمسة أيام
الراوي: يزيد بن عبدالله بن الشخير المحدث: أحمد شاكر - المصدر: مسند أحمد - لصفحة أو الرقم: 11/46
خلاصة حكم المحدث: إسناده صحيح
[/size]
[size=21]يبقى ميعديش اربعين يوم متكونش ختمت فيهم القرآن
ومفيش اقل من ثلاث ايام
الا في شرف الزمان وشرف المكان
فقد اثر عن كثير من السلف كان بيختموا القرآن مره او مرتين
هتقولي ازاي يعني
قال رسول الله صلى الله عليه وسلم :
خفف على داود عليه السلام القرآن ، فكان يأمر بدوابه فتسرج ، فيقرأ القرآن قبل أن تسرج دوابه ، ولا يأكل إلا من عمل يده
الراوي: أبو هريرة المحدث: البخاري - المصدر: صحيح البخاريلصفحة أو الرقم: 3417
خلاصة حكم المحدث: - [صحيح]
المناوي راح متكلم على الحديث ده وقال ايه؟
دل هذا الحديث على أن الزمان يطوى لمن شاء من عباده كما يطوى لهم المكان
فانت ال 24 ساعه بتاعتك بتقعد فيهم ساعتين بس بتحس ان انت ملحقتش تعمل فيهم حاجه وراح اليوم !!!!!!
مش ده اللي بيحصل
طيب دي كانت الوصايا الخاصه بتلاوة القرآن
تعالو بأه نتنقل للمرحله الاهم
مرحلة التاثر بالقرآن والتدبر به
يا جماعه امته تحس ان انت بتدبر القرآن
لازم يحصلك علامه من السبعه دول
لو حصلت يبقى الحمد لله ربنا فتح عليك
ولو محصلتش يبقى ربنا يسترنا وإياك
أول حاجه
انك تقف عند ايه وتتعجب لها
يعني تقف على ايه
انا ده !!
ايوه انا ده !!!
وتتعجب
من فتره قريبه
واحد من الشباب بييقول عن الصحبه السيئه ومشاكل عنده بسببهم فقلتله سبحان الله كأن بينطبق عليك قول الله عزوجل
وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27) يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا (28)
انت شفت بيقول ايه ؟
خليلا
يعني صحابي الانتيم واللي هو يعني الروح بالروح
هو ده الخليل
اللي انت بتقول عنه انا وهو شئ واحد
ومحبته بأت كل شئ فيك
بتحس ان محبته بتجري في دمك
متعلق بيه أوي
هو ده الخليل
جايه من الخله ان يتخلل محبته شقاق قلبك
المهم قاللي عندك حق انا ده واتفقنا يقيم بيها الليل كله[/size]
[size=21][b](لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولًا)
[/size][/b][size=21][b]قاللي
امنت بالله , والله العظيم أنا ده .. أنا ده , وأتفقنا أنه يقيم الليله
بيها , علشان يحسها ويعيدها ويفهم معناها . وبرضه الشيطان بيجيلى ويقولى
متعملش كده , لو خرجت من الشله دى حتروح فى داهيه , وحتلاقي نفسك غريب ,
أنا ده بالزبط , تمر انت على آيات كده وتقول الآيه دى بتتكلم عني
(وَلَوْ عَلِمَ اللَّـهُ فِيهِمْ خَيْرًا لَّأَسْمَعَهُمْ وَلَوْ أَسْمَعَهُمْ لَتَوَلَّوا وَّهُم مُّعْرِضُونَ ﴿الأنفال: ٢٣﴾ )
أحنا بقى بنحس بالكلام ده أوي فى شغل الدعوه , وتقعد تقول للناس بالرفق
وباللين , وبالحكمه وساعات تشد شويه , وساعات ترخي شويه و وتاخد كل
الوسائل , وتكلمهم فى كلام محدد للقلب وفى حب ربنا , وساعات تكلمهم فى
كلام شديد شويه , فى مشاهد يوم القيامة , وتجيبه كده وتجيبه كده وهو برضه
فى سكة تانيه خالص .
[/size][/b]
[size=21][b]أنا
أبتليت بالمسأله دى في دعوه أحد الناس وقعدت اشتغل وحصل كده والله الذي لا
اله الا هو , انا قاعد وداخل أرقد وكنت مشغل إذاعه القرآن الكريم جنبي ,
والأية تجيلك بقى طاااخ
( وَمَا أَنتَ بِهَادِي الْعُمْيِ عَن ضَلَالَتِهِمْ ۖ إِن تُسْمِعُ إِلَّا مَن يُؤْمِنُ بِآيَاتِنَا فَهُم مُّسْلِمُونَ ﴿٨١﴾ )
هو ده بقى , كده الرسالة واضحه اوى فقلت أسف أانا غلطان أنا مبفهمش لان هي
كده , فتيجي الآيه فتقول ايوه هى كده فدي علامه أن أنت تدبرتها دلوقتي ,
علشان كده بتعدى عليك آيات كده بتحصلنا ا فى رمضان وبنقعد نقول والله
العظيم الآيات دى مبتتفهم غير فى مكة , نجيناهم بسحر دى كانت فتحة مكه
السنه اللى فاتت , أشمعنا قال نجيناهم بسحر ؟ علشان فى الأسحار , وأشمعنا
قال وقت الأسحار علشان ربنا بينزل للسماء الدنيا فى الوقت ده , فنجاتك فى
مناجاتك , فتقعد أنت تركز بقى فى الوقت ده وتقول بص الأيه وتتوقف عندها
وتتفاعل معاها .
[/size][/b]
[b][size=21]علشان
كده جاء أبن القيم ليعملك أزاى تتأمل وتتدبر فيقولك ايه : أنزل نفسك منزلة
المخاطب , عارفين دى ما كنت بقولكم تلاقوا حد قاعد بيقرأ وبيقول إن الذين
كفروا فتلاقيه بيقول أعوذ بالله من الكفر , وإن المنافقين فى الدرك الأسفل
من النار : فيقول اعوذ بالله من النفاق , وبعدها يقرأ إن المؤمنين : فيقول
هو انا اقدر ابقى منهم دول فين وانا فين طيب
اعملك ايه بقى انت مين فيهم , لأ إنت لازم تنزل نفسك منزله المخاطب لأن
أنت ممكن يكون جواك صفة من الصفات دى , ممكن يكون جواك خصله من خصال
النفاق والعياذ بالله , ممكن يكون عندك معنى من الشركيات , شرك خفى وانت
مش داري بيه ,
فالآية بتكلمك أنت , الآية بتقولك كذا , فلما تلاقي نفسك بتخادع نفسك , فتلاقي الآيه جايه زى القلم على الوش
(يُخَادِعُونَ اللَّـهَ وَهُوَ خَادِعُهُمْ)
ااااااااااااه صح لأ خلينا صرحه مع الله انا عارف نفسي ( أبوء لك بنعمتك
علي وأبوء بذنبي ) فيبقى أول حاجه ايه ؟ التوقف تعجبا وتعظيما .
[/size][/b]
[b][size=21]تانى حاجه البكاء , بتحصل كتير دي بقى تبقى بتصلى ورا واحد وتلاقيه بيعيط وانت ولا فاهم , هو بيعيط ليه طيب .
[/size][/b]
[b][size=21]فيه
موقف حصل لى وأنا منساهوش الموقف بتاع الشريم ده كنا سنه 1996 وكنا
معتكفين فى الحرم ليله 21 , فالله اكبر كله دخل ولسه بقى بتجمع قلبك يعني
, وجه قال الحمد لله رب العالمين وبقى في سكة تانيه , وقعد يعيط يجي ثلث
ساعه , ده يقف عند شويه وقفات ويبكي , ده الفتح هى كده نزلت الرحمة .
[/size][/b]
[b][size=21]ثالت
علامه أنك تزداد خشوعا: تلاقي نفسك كده خارج من قيام الليل مكسور ولو حد
كلمك صوتك مش عايز يطلع , طيب ليه كده ده مش طبيعتك , هو ده بقى الخشوع .
[/size][/b]
[size=21][b]يقول الله جل وعلى (وَيَقُولُونَ
سُبْحَانَ رَبِّنَا إِنْ كَانَ وَعْدُ رَبِّنَا لَمَفْعُولًا (108)
وَيَخِرُّونَ لِلْأَذْقَانِ يَبْكُونَ وَيَزِيدُهُمْ خُشُوعًا) .
[/size][/b]
[size=21][b]قال
إبراهيم التيمي : من أوتي من العلم ما لا يبكيه , لخليق ألا يكون أوتي
علما ) يعني أنفض يدك منه لماذا ؟ لأن الله نعت العلماء فقال
(قُلْ آَمِنُوا بِهِ أَوْ لَا تُؤْمِنُوا إِنَّ الَّذِينَ أُوتُوا الْعِلْمَ مِنْقَبْلِهِ إِذَا يُتْلَى عَلَيْهِمْ يَخِرُّونَ لِلْأَذْقَانِ سُجَّدًا وَيَقُولُونَ سُبْحَانَ رَبِّنَا إِنْ كَانَ وَعْدُ رَبِّنَا لَمَفْعُولًا ,وَيَخِرُّونَ لِلْأَذْقَانِ يَبْكُونَ وَيَزِيدُهُمْ خُشُوعًا ) .
[/size][/b]
[b][size=21]قالت أسماء بنت أبي بكر رضي الله عنها وعن أبيها : إن أصحاب النبي إذا قرأ عليهم القرآن كما نعتهم الله تدمع عيونهم وتقشعر جلودهم )
[/size][/b]
[size=21][b]لقوله تعالى : (
اللَّـهُ نَزَّلَ أَحْسَنَ الْحَدِيثِ كِتَابًا مُّتَشَابِهًا مَّثَانِيَ
تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ
جُلُودُهُمْ وَقُلُوبُهُمْ إِلَىٰ ذِكْرِ اللَّـهِ ذَٰلِكَ هُدَى اللَّـهِ
يَهْدِي بِهِ مَن يَشَاءُ وَمَن يُضْلِلِ اللَّـهُ فَمَا لَهُ مِنْ هَادٍ ) .
[/size][/b]
[b][size=21]وهي
دي العلامه الرابعه : القشعريره خوفا من الله ثم غلبت الرجاء السكينه يعني
فجأه تلاقي جسمه بيتنفض وبعد كده تلاقيه لان وهدي وكان القشعريره دى نفض من القلب لشئ سئ فيه[/size][/b]
[size=21][b]طلع من جواك وبعدين تلاقي نفسك هديت ولنت ,
يقول الله تعالى :
(اللَّـهُ نَزَّلَ أَحْسَنَ
الْحَدِيثِ كِتَابًا مُّتَشَابِهًا مَّثَانِيَ تَقْشَعِرُّ مِنْهُ جُلُودُ
الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ
إِلَىٰ ذِكْرِ اللَّـهِ ) .
[/size][/b]
[size=21][b]العلامه الخامسة: زيادة الإيمان يقول الله جل وعلا :
( إِنَّمَا الْمُؤْمِنُونَ الَّذِينَ إِذَا ذُكِرَ اللَّـهُ وَجِلَتْ قُلُوبُهُمْ )
حصلتلكم دى ياشباب قبل كده ؟ وجل القلب غير القشعريرة , تحس كده من جواك ان قلبك مش جسمك هو اللى بيتنفض , قلبك بيتهز ,
(إِنَّمَا الْمُؤْمِنُونَ الَّذِينَ
إِذَا ذُكِرَ اللَّـهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ
آيَاتُهُ زَادَتْهُمْ إِيمَانًا وَعَلَىٰ رَبِّهِمْ يَتَوَكَّلُونَ
﴿الأنفال: ٢﴾) .
[/size][/b]
[size=21][b]العلامه السادسة : وهى من العلامات ايضا الجميلة الفرح والإستبشار يقول الله تعالى :
(وَإِذَا مَا أُنزِلَتْ سُورَةٌ
فَمِنْهُم مَّن يَقُولُ أَيُّكُمْ زَادَتْهُ هَـٰذِهِ إِيمَانًا فَأَمَّا
الَّذِينَ آمَنُوا فَزَادَتْهُمْ إِيمَانًا وَهُمْ يَسْتَبْشِرُونَ
﴿التوبة: ١٢٤﴾ )
[/size][/b]
[b][size=21]العلامه السابعه وآخر حاجه : السجود تعظيما لله[/size][/b]
[size=21][b]لان الله تعالى قال ايه : (يَخِرُّونَ لِلْأَذْقَانِ سُجَّدًا ) .
[/size][/b]
[b][size=21]دول
سبع حاجات علشان تعرف انت القرآن أثر فيك ولا لأ , بس ساعات مبتحصلش حاجه
من دول , بس ايه تنزل عليك رحمة , الرحمة دي حصلت فى إيه ؟ أن انت بكيت
مثلا , بس ممكن متكنش أنت بكيت تأثراً بالقرآن , أنت بكيت للجو العام ,
يعني المسجد كله كان بيبكي زي اللى كانوا بيصلوا وراء الشريم كلهم بكوا ,
الحرم كله بكي , فكل واحد بقى بكي على حاجه فى دماغه , اللى أفتكر الغاليه
واللى أفتكر حاجه , واللى كان تعبان أصلا من الوقفه , فكل واحد كان بيعيط
لهمه .
[/size][/b]
[b][size=21]فتطلع انت من الصلاة تقول: الله الصلاة دى كانت حلوه اوى أنهارده الواحد كده بكى وكان شئ عظيم , بس ده مش من تأثير القرأن .
[/size][/b]
[size=21][b]أنا منساش الموقف ده إن احنا كنا بنصلى وراء الشيخ أسامة عبد العظيم , فكان بيقرأ الأنعام ,
( قَدْ خَسِرَ الَّذِينَ كَذَّبُوا
بِلِقَاءِ اللَّـهِ حَتَّىٰ إِذَا جَاءَتْهُمُ السَّاعَةُ بَغْتَةً
قَالُوا يَا حَسْرَتَنَا عَلَىٰ مَا فَرَّطْنَا فِيهَا وَهُمْ يَحْمِلُونَ
أَوْزَارَهُمْ عَلَىٰ ظُهُورِهِمْ أَلَا سَاءَ مَا يَزِرُونَ ﴿الأنعام: ٣١﴾)
وما تجاوزها , وقعد يقولها كده بتاع 20 مره , أنا الآيه قعدت اسبوع ترن فى
وداني , علشان كده انا لحد أنهارده منساهاش الأيه دى , وتقعد بقى تقول
ااااااااه ياحسرتنا على ما فرطنا فيه !!
وتتخيل بقى والواحد شايل ذنوبه بقى على كتافه وواقف فى موقف الحشر (أَلَا سَاءَ مَا يَزِرُونَ ) .
[/size][/b]
[b][size=21]زى ناس تلاقيها حفظه القرآن كويس جدا وعارف تفسيره , بس هل المعانى دى طالعه من القلب !!
[/size][/b]
[size=21][b]أحد الناس بيقولى كنت بسمع (وَكُنَّا نَخُوضُ مَعَ الْخَائِضِينَ )
وعمال يقولي أنا ده , أنا راكب الموجه
فيه ناس بتفتكر انه مش حيفهم القرآن إلا لما يخلص دوواين التفاسير ,
لأ ربنا ساعات بيقذف المعنى في القلب , تلاقيه بيفهمها . والله انا بجربها
كتير اوى مع سواقين التاكسي , ويقولى بص يا شيخ الأية دي !
إيه ده أنت جامد أوى ويكملها ويفهمها وده راجل غلبان أوى معندهوش العلم
بالتفسير ولا حاجه , بس ممكن يفهمها أحسن منى لأن ربنا فتح عليه بمعناها .
[/size][/b]
[size=21][b]فيه واحد تانى تلاقيه تيجي معاه بالرجاء زى مثلا تلاقيه بيقرأ
( وَهُوَ الْغَفُورُ الْوَدُودُ )
ويقشعر لها بدنه ويقول يارب أغفرلى , وواحد تانى متجيش معاه غير
( وَجَاءَتْ سَكْرَةُ الْمَوْتِ )
هو مفيش فايده لازم ياخدها كده فى الدماغ علشان يفوق .[/size][/b]
[b][size=21]طيب عايزين بقى الطريق ؟؟ الطريق هو أن نتدبر علشان نتأثر[/size][/b]
[b][size=21]أول حاجه فى الطريق :أستشفي بالقرأن
[/size][/b]
[b][size=21]إبن القيم بيقول :
(ان هجر القرآن على أنواع منها هجر الإستشفاء )
والإستشفاء ياجماعه مش بس الرقية الشرعيه اللى هو علاج الأبدان بس . لا
الأهم والأخطر علاج القلب , انا عايزك كده تمسك المصحف النهارده وتقرأ
( وَاعْتَصِمُوا بِحَبْلِ اللَّـهِ جَمِيعًا وَلَا تَفَرَّقُوا وَاذْكُرُوا نِعْمَتَ اللَّـهِ عَلَيْكُمْ)
تقوم ماسك الأيه كده بنيه الأستشفاء , علشان تدخل تطهر القلب , لانه لو
طهر حيقذف فيه الإيمان , فأول حاجه أنك تستشفي بالقرأن , لأنه من المفترض
إن تأثير القرأن يبقى موجود , المفروض إن ربنا سبحانه وتعالى قال إن
القرآن شفاء لما فى الصدور
يَا أَيُّهَا النَّاسُ قَدْ جَاءَتْكُم
مَّوْعِظَةٌ مِّن رَّبِّكُمْ وَشِفَاءٌ لِّمَا فِي الصُّدُورِ وَهُدًى
وَرَحْمَةٌ لِّلْمُؤْمِنِينَ ﴿يونس: ٥٧﴾
طيب أنت مش متأثر ليه ؟ يا إما أنت بتاخده غلط زى ما قلنا قبل كده قراءه
النهار ملهاش التأثير زي قراءه الليل ,لأن قراءة الليل بتبقى عامله زى ما
يكون نهر بيروي قلبك , يعني بمعنى أصح إقرأه وأنت صافي الذهن , بلاش ناخد
الورد أنه عمل . لأن الورد يقرأ حال صفاء الذهن , يتقرى ليلا , يتقرى فى
الفجر , أو ساعه الأسحار , ولا بقى شاغل بالك لا شغل ولا زوجه ولا أولاد ,
انت بتتواصل مع ربنا لكي تنهل من هذا المعين الصافي[/size][/b]
[size=21][b]وفى حاجه تانيه :
قالى تعالى ( سَأَصْرِفُ عَنْ آيَاتِيَ الَّذِينَ يَتَكَبَّرُونَ فِي الْأَرْضِ بِغَيْرِ الْحَقِّ )
لذلك ممكن ساعتها يحول الله بين المرء وقلبه .
[/size][/b]
[size=21]يبقى لازم اطهر قلبي , عايز
قرآن , هي دي حالة عايز قرآن , تيجي تعملها تلاقي نفسك عايز تتهيألها ,
تستغفر ربنا , سبحان الله القرايه يبقى ليها طعم , و مهد لتطهير القلب ,
ممكن تعملها كده ..
قبلها بفتره تعمل عمل تهيأ قلبك او تقرأ شويه , تشحن شويه
القراءه الاولى دي لا تعدها , اللي جاي بعد كده بقى , ساعات كده تقعد
تقرالك جزء , كل ده في مرحلة الشحن و التليين و بعد كده تبتدي تستمتع , زي
اللي بيحصل في موضوع رمضان بالظبط , تقعد انت مستني رمضان و تبتدي الشحن
من اول رمضان , تشحن تشحن تشحن , هتبتدي تحط فيه حاجه بقى يكون جه العيد ,
ارجع من تاني , تقعد دلوقتي عايز ألين ألين ألين اطهر اطهر اطهر و ابتدي
بقى احط حاجه , فتكون يا دوب انت خلصت الورد بتاعك فتقول ماحستش بحاجه ,
لا هو كان ليه اثر بس كان عايز تصبر شويه كمان , تزود الجرعه شويه علشان
يبقى ليها تاثير
الوسائل التي بها تستطيع ان تتدبر القران
* اول وسيله - اول مفتاح : حب القرآن , هتعظمه هتحس بقيمته فتحبه
لو حبيته يبقى ده علامة صحة قلبك قال ابو عبيد :
( لا يسأل عبد عن نفسه الا بالقرآن فان كان يحب القرآن فانه يحب الله و رسوله )
و من الحاجات اللي تساعدك على حبه الدعاء بـ
(( اللهم اجعل القرآن ربيع قلبي ))
و حاجه تانيه اكثِر من الاستعاذه .. تلجأ و تتضرع الى الله عز و جل
و البسمله : الباء دي للاستعانه , استعينُ باسم الله الرحمن الرحيم ان
يفيض علي برحمته علشان يبقى تجهِزَه لتلقي القران ,فدي وسيله نافعه
محاضرتنا دي تبقوا تسمعوا الجزء الاول منها عن فضائل القرآن كل شويه
لاستحضار المعاني دي بداخلك فيزيد حبك و تعلقك بيه , ادمان السماع عن فضل
القران و حال السلف مع القران ده شىء يجهز قلبك و يخليك تحب القران فده
سبيل جيد لانك تتأثر بيه و تتدبره
* تاني مفتاح:
استحضار النيه , اني بعمله بنية الاستشفاء و الامتثال لكل حرف فيه و اسأل الله الإعانه على كده
يعني نية العمل انوي ان قرايتي دي تكون سبب اني اخد الطريق لربنا سبحانه و تعالى
نيه كمان انك تزود الرصيد , لما ازود الرصيد اترفع رصيدي عالي في بنك الحسنات علشان اعرف اسحب منه وقت الضروره
نيه كمان : المنـــــــــــــــاجاه .. انوي بقرائتي مناجاه الله , بس مش قراءه و تتأمل بس , بتحس بيها و تحس ان ربنا بيكلمك انت
يبقى احنا نظبط في المفتاح التاني نياتنا علشان تبقى خالصه لله سبحانه و تعالى فيبقى ليها اثر
* الطريق الثالث للتدبر :
قراءة القرآن جهرا , القراءه الجهريه تختلف تماما عن قراءة السر ,
فنجيناهم بسحر , ابن عمر قال : لما واحد يبتدي ينتكس بيبطل قيام , اول
حاجه يبطل قيام و يبطل الجهر بالقرآن هي دي بقى ( إِنَّ إِبْرَاهِيمَ لَأَوَّاهٌ حَلِيمٌ ) تلاقي نفسك قاعد بتقولها بتصرخ بيها و ترددها
* من الامور التي تجعل القران ذو اثر على .. ان تقوم به , ان يكون القران اللي بقرؤه ده حالة صلاه لا سيما في الليل ,
قال تعالى
( وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَى أَن يَبْعَثَكَ رَبُّكَ مَقَامًا مَّحْمُودًا)
و قال تعالى :
(إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلا )
* حاجه كمان : انك تكرره و بالذات محفوظاتك منه كل اسبوع , و ده يجي بالقيام , هذا من افضل الطرق لحفظ القران و فهم معانيه
* من الامور ايضا : ان تكون قراءه من حفظ , ابتدي شيئا فشيئا من المصحف بس برضو خلي ليك حاجات انت جيبها من نفسك حتى لو ( قل هو الله احد ) , رجل قعد يذكرها فحبه لها ادخله الجنه , لو ذكرتها و حبيتها و حبيت صفات ربنا فيها هيبقى ليها طعم تاني خالص
* الفهم مهم جدا في تدبر القران , مثلا : تلاقي الواحد اول ما يسمع سورة ( ق ) في الصلاه يبدأ يجهز نفسه و يهيأها انه يخشع في ( وَجَاءَتْ سَكْرَةُ الْمَوْتِ) انما (وَالنَّازِعَاتِ غَرْقًا ) مشهد استلال الروح من الجسد لأ مع انه مشهد صعب جدا, يقول (وَالنَّازِعَاتِ غَرْقًا ) ! ايه المشكله يعني
( وَالنَّازِعَاتِ غَرْقًا ﴿١﴾ وَالنَّاشِطَاتِ نَشْطًا ﴿٢﴾ وَالسَّابِحَاتِ سَبْحًا ) !!
يبقى من الجميل ان الكلمات اللي انت مش فاهمها تدور عليها في كتب التفاسير
وهي كثيره مثل ايسر التفاسير او تفسير السعدي او مختصر ابن كثير او كلمات
القرآن الموجوده على بعض المصاحف , المهم تفهم توصل بس و تجيب اول المعنى
من طرق الفهم تكرار الايه كثيرا , اكثر من قرائتها زي ما حبيبك وسيدك البني صلى الله عليه و سلم قام بـ :
( إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ )
و عن عباد بن حمزه قال دخلت على اسماء رضي الله عنها و هي تقرأ ( فَمَنَّ اللَّـهُ عَلَيْنَا وَوَقَانَا عَذَابَ السَّمُومِ )
اااااااااه
( إِنَّا كُنَّا مِنْ قَبْلُ نَدْعُوهُ إِنَّهُ هُوَ الْبَرُّ الرَّحِيمُ )
دي تتقرأ ازاي دي ؟ احساسك انت ساعتها , مشهد و شهادة المنه
( فمن الله علينا ) يـــــــــارب من علينا يا رب بفيض رحمتك يارب ما
تحرمنيش من منك يارب , وتفتكر نعم الله اللي اغدقها عليك و تقوله
يااااااارب زي ما انعمت عليا بالنعم العظيمه دي ما تحرمنيش من النعمه
الكبرى نعمة دخول الجنه
(وَوَقَانَا عَذَابَ السَّمُومِ )
تسمع كلمة السموم دي تفتكر السم اللي قاتل قلبك , اللي باعدك , اللي كما
كان قلبك مسموما قد تعذب بعذاب السموم فتقول يااااااارب طهر قلبي يارب ,
ياااارب انا صحيح منفعش بس عايزك , كنت ماشي في سكتك و كنت بدعي ليك
( إِنَّا كُنَّا مِن قَبْلُ نَدْعُوهُ إِنَّهُ هُوَ الْبَرُّ الرَّحِيمُ )
البر , شايف البر ؟ حلوه البر دي ؟ حاسسها ؟ اول ما تيجي البر تيجي الشفقه و الحنان و الرفق و الرحمة , يا الله
خد بالك لما ربنا بيأمرنا ببر الوالدين حتى لو هما كفره , البر مش شرط
يكون عن استحقاق , البر صفة للكــــريــــــم ,, فيقول ايه : انت يا رب بر
بس انا ماستحقش , يروح واقف عند المعنى ده و يقعد يردده مره و انتين و
تلاته لحد ما يدخل جوه قلبه
تعرف تعمل الحكايه دي ؟ قصه اخرى حدثت لي شخصيا , اسأل الله الصدق و الاخلاص في القول و العمل
كان يوم حر شديد في رمضان و كنا منتقلين من المدينه لمكه فدخلنا عملنا
العمره و قعدت من العصر للمغرب مغمى عليا تقريبا فبعد اذان المغرب مباشرة
يا دوب بس ارتويت شويه كده فالشيخ السديس صلى بينا بقوله تعالى :
(وَالضُّحَىٰ ﴿١﴾ وَاللَّيْلِ إِذَا سَجَىٰ ﴿٢﴾ مَا وَدَّعَكَ رَبُّكَ وَمَا قَلَىٰ ﴿٣﴾)
اااااااااه انت كنت حاسس بقى انك كنت مقطوع , لما تجيلك كده !
( مَا وَدَّعَكَ رَبُّكَ وَمَا قَلَىٰ ﴿٣﴾ وَلَلْآخِرَةُ خَيْرٌ لَّكَ مِنَ الْأُولَىٰ ﴿٤﴾ وَلَسَوْفَ يُعْطِيكَ رَبُّكَ فَتَرْضَىٰ )
و بعدين وحده و حده كده
( الم يجدك .. الم يجدك .. الم يجدك .. )
اااااااااه , راح مصلي الركعه التانيه
( أَلَمْ نَشْرَحْ لَكَ صَدْرَكَ )
خلااااااص الرسائل مش عايزه اكتر من كده , في حاجات كده بتدخل القلب ,
نصلي بالضحى النهارده ؟ و نعيش المعنى ده , حس و احنا بعاد و بنقول اننا
في غفله و متقطعين و الفتن كتيره تحس انه بيقولك انا مكرهتكش , انا
ماسبتكش , انا لسه جنبك , انا اقرب اليك من حبل الوريد فماتنسانيش ,,
(مَا وَدَّعَكَ رَبُّكَ وَمَا قَلَىٰ)
سيبك بقى من الدنيا ,,
( وَلَلْآخِرَةُ خَيْرٌ لَّكَ مِنَ الْأُولَىٰ)
اللي نفسك فيه هديهولك ,,
( وَلَسَوْفَ يُعْطِيكَ رَبُّكَ فَتَرْضَىٰ)
اظن بعد هذا هذا لا نحتاج الى مقال و لا كلام ,, ارجو ان يكون في هذا خير بيان و شفاءلما في الصدور
اللهم خذ بايادينا و نواصينا اليك , اخذ الكرام عليك , اللهم اجعل القرآن
العظيم ربيع قلوبنا و نور ابصارنا , اللهم طهر به قلوبنا يارب اعنا على
ذكرك و شكرك و حسن عبادتك , اجعلنا من يومنا هذا من اهل القرآن اللذين هم
اهلك و خاصتك يا رحيم يا رحمن , سبحانك اللهم وبحمدك , نشهد الا اله الا
انت نستغفرك و نتوب اليك[/size]
الأربعاء أغسطس 25, 2010 1:31 am