رجع لينا صلاح الدين

في القرآن ربّك قال للناس: "ادعوني"

علشان هوا كريم وبيِدّي
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله

رجّع

لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله....
*******
ربك دايماً...
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*******
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*******
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*******
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله

إحنا بحالنا كده راضيين..
يا الله...

*******
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل
زي ما هوا.... صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...

ويّاه

بجد جامد جدا يا اشرف
جزاك الله خير
:جزاك الله الجن
بالعربى اهو ؟؟؟ واخدلى بالك .... هههههههه

:جزاك الله الجن
شكرا اخي اشرف على هذه المعلومة :سلمت يداك:

:بارك :

قد إيه المقالة دي مؤثرة جداً وبتتكلم عن حالنا الآن بالفعل لازم نتغير

عشان نرجع الأرض ويرجع لنا تاني صلاح الدين

جزاكم الله خيراً

احترامي

:جزاك الله الجنجزاكم الله خيرا لما تحمله هذة الرسالة من معاني

:السلام: يا سلام يا اشرف لو يرجع المسلمين لايام غزوة بدر مع الرسول ومعركة حصين مع صلاح الدين لكن للاسف .بس مع ذلك ان شاء الله هايجى الوقت اللى هيفوقو فية .جزاك الله كل خير على هذا الموضوع :لك الشكر:

واقعى جدااااااااااااااااااااااا
الف شكر بجد على الموضوع الرائع

:بسم الله: :سلمت يداك: :سبحانك اللهم و :جزاك الله الجن :لك الشكر: الف شكر على الموضوع ده يا اشرف

جزاكم الله خيرا جميعا
وشكرا ليكم علي مروركم الطيب

:بسم الله:
:السلام:
جزاك الله خيرا يا أشرف

اللهم أجعله فى ميزان حسناتك :سبحانك اللهم و :بارك :

اصبت بكل كلمة في الموضوع حقيقي وده الواقع

تسلم ايديك

:جزاك الله الجن

جزانا الله واياكم
شكرا الملاك شكرا ندي لمروركم

جزاك الله خير أشرف

بجد موضوع رائع

تسلم ايديك

جزانا الله واياكم
شكرا دلوعه لمرورك
:سبحانك اللهم و

:السلام: صدقت ياأشرف لو رجع صلاح الدين حايعمل ايه لوحده والدنيا واخدة الناس وكل واحد بيفكر فى مشاكله ومشاغله فقط الله المستعان وهو القادر أن يخرج من أصلابكم ألف صلاح الدين وينصر بهم الامة تسلم ايديك وجزاك الله خيرا على موضوعك الرائع والعرض الجميل والكلمات المعبرة المؤثرة بجد راااااااااااااااااااااااااااااااااائع :جزاك الله الجن :سلمت يداك: :سبحانك اللهم و

شكرا امي ايات لمرورك
جزاكي الله خيرا
:سبحانك اللهم و

» حفيد صلاح الدين عذرا؟
» الغيرة علي الدين
» إن الدين عند الله الاسلام
» الدين عنصر أساسي في بناء الحضارات
» النيابة توجه أربع اتهامات لخالد صلاح رئيس تحرير اليوم السابع