السبب الأول:



سبحان الله الإخلاص ومتابعة الرسول صلى الله عليه وسلم شرطي قبول أى عمل

فأحنا عمالين نقول اللهم بلغنا رمضان
ونقول وأحنا بنفطر اللهم اعتقنا من النار

ونأمن ورا أى شيخ بيدعى اللهم اجعلنا من الفائزين فى رمضان ونقول آميييييين

طيب إزاى بتقول كدة وبتابع مواعيد المسلسلات وبترتب مواعيدك على أساسها
وتسيب الطاعه وتتفرج عليها
ده معناه اية !
يعنى لازم نخاف إننا ممكن قوى منكنش مخلصين

فى معنى جميل قوى سمعته فى درس
فى القرآن دائما يقترن اللهو واللعب عند ذكرهم

((إِنَّمَا الْحَيَاةُ الدُّنْيَا لَعِبٌ وَلَهْوٌ وَإِنْ تُؤْمِنُوا وَتَتَّقُوا يُؤْتِكُمْ أُجُورَكُمْ وَلَا يَسْأَلْكُمْ أَمْوَالَكُمْ ))

((وما هذه الحياة الدنيا إلا لهو ولعب وإن الدار الآخرة لهي الحيوان لو كانوا يعلمون ))


والأيات كثيرة فسمعت إن سر الجمع
هو إن اللعب يكون بالجوارح واللهو يكون بالقلب

فسبحان الله لا يمكن ابدا أن نغفل بالجوارح ونعصى
دون غفله القلب

فلا يجتمع لهو وعبادة في قلب المؤمن.

وبما إننا خايفين على إخلاصنا
يبقى مش هنتفرج على مسلسلات السنه دى